Connect with us

Hi, what are you looking for?

ដំណឹងក្នុងស្រុក

១៧នាក់ស្លាប់ និងរបួស​១៩នាក់ ដោយសារគ្រោះថ្នាក់ចរាចរណ៍ថ្ងៃភ្ជុំបិណ្ឌ

ប៉ូលិស​បាន​ឱ្យដឹងថា​ នៅក្នុងថ្ងៃភ្ជុំបិណ្ឌ ភ្ជុំធំ ករណីគ្រោះថ្នាក់ចរាចរណ៍បាន​បណ្តាល​ឱ្យ​មនុស្ស​ស្លាប់​១៧នាក់ ខណៈ​មនុស្ស​១៩នាក់របួស…

ប៉ូលិស​បាន​ឱ្យដឹងថា​ នៅក្នុងថ្ងៃភ្ជុំបិណ្ឌ ភ្ជុំធំ មានករណីគ្រោះថ្នាក់ចរាចរណ៍កើតឡើងសរុប​ចំនួន១៥លើក ដោយ​បណ្តាល​ឱ្យ​មនុស្ស​ស្លាប់​១៧នាក់ ខណៈ​មនុស្ស​១៩នាក់របួសធ្ងន់ និង​ស្រាល។

ទិន្នន័យគ្រោះថ្នាក់​ចរាចរណ៍ផ្លូវគោកទូទាំងប្រទេស ដែល​​ចេញដោយនាយកដ្ឋាននគរបាលចរាចរណ៍ និងសណ្តាប់​សាធារណៈ នៃអគ្គស្នងការដ្ឋាន​នគរបាលជាតិបានឱ្យដឹងថា គ្រោះថ្នាក់ចរាចរណ៍ផ្លូវ​គោកទូទាំងប្រទេសរយៈនៅថ្ងៃទី២ ខែតុលា ឆ្នាំ២០២៤ (គិតត្រឹម​ពីម៉ោង ១៤៖០០ ថ្ងៃទី០១ ខែតុលា-ម៉ោង ១៤៖០០ ថ្ងៃទី០២ ខែតុលា ឆ្នាំ២០២៤)បានកើតឡើងចំនួន ១៥លើក (យប់ ៨លើក) បណ្តាលឱ្យ​មានមនុស្សស្លាប់ ១៧នាក់ (ស្រី ៣នាក់), រងរបួសសរុប ១៩នាក់(ស្រី ៦នាក់)ក្នុងនេះរងរបួសធ្ងន់ ១៤នាក់ (ស្រី ៤នាក់) និងរង​របួសស្រាល ៥នាក់ (ស្រី ២នាក់) និងមិនពាក់មួកសុវត្ថិភាព ២៦នាក់ (យប់ ១៤នាក់)។

របាយការណ៍ដដែលបញ្ជាក់ថា មូលហេតុដែលបង្កឱ្យមានគ្រោះថ្នាក់​រួមមាន ៖ ល្មើសល្បឿន ៥លើក (ស្លាប់ ៤នាក់, របួសធ្ងន់ ៤នាក់, របួសស្រាល ១នាក់), មិនគោរពសិទ្ធិ ២លើក (ស្លាប់ ១នាក់, របួសធ្ងន់ ៣នាក់, របួសស្រាល ១នាក់), មិនប្រកាន់ស្តាំ ៣លើក (ស្លាប់ ៧នាក់, របួសធ្ងន់ ២នាក់, របួសស្រាល ០នាក់), ប្រជែង ២លើក (ស្លាប់ ២នាក់, របួសធ្ងន់ ១នាក់, របួសស្រាល ១នាក់), បត់គ្រោះថ្នាក់ ២លើក (ស្លាប់ ១នាក់, របួសធ្ងន់ ៤នាក់, របួសស្រាល ១នាក់) និងកត្តាយាន ១លើក (ស្លាប់ ២នាក់, របួសធ្ងន់ ០នាក់, របួសស្រាល ១នាក់)

ខេត្តដែលមានចំនួនអ្នកស្លាប់ជីវិតច្រើនជាងគេដោយសារគ្រោះថ្នាក់ចរាចណ៍គឺខេត្តកំពង់ធំដែលមានរហូត៥នាក់,របួស១នាក់​៕

You May Also Like

ដំណឹងក្នុងស្រុក

មណ្ឌលគិរី : ការដ្ឋានស្ថា...